以前南華球迷會聚會，我有時會參與，幾好玩架，同球迷一齊，我都係球迷．
今晚，我以為又係球迷聚會，蘇蘇叫我去，我咪諗住去坐一坐囉，星期五晚，我通常攰到死．
去到，一班熟口熟面的球迷，有埋backdrop，原來，呢個係球迷搞既歡送會．
我地離開南華個多月，新球季都開操了，球迷仍然咁有心，真係好感動．
原本我以為聚會，個零鐘，但最後玩了兩個幾鐘，傾唔完既話題，影左好多好多相．
我現在，都是球迷，以後我會繼續入場同南迷一齊撐南華！多謝你地，搞足球咁多年，除左我今晚同你地分享既喜與樂同秘密之外，最開心係認識左一班好錫南華既球迷．
要一讚兩位MC臭旦同Lokki，今晚好有氣氛，好玩．下次再玩過！
#ilovesouthchina
Search